Ba Kwa Ka Letlalo

Motseng wa Mpudulle kua tikologong ya Tubatse, batswadi ba bantši ba ile ba bona ba tsenetšwe ke meetse ka gae ge Ntweng e lego mongwe wa baagi ba motse woo a dira kgwebo ya go rekiša madila fao motseng.

Nnete ke gore bafsa ba be ba lala ba goroga gae bošego goba ka masa mola ba bangwe ba sa thuše selo ka gae. Matete, Mariri le Rebone ke ba bangwe ba bafsa ba mesepelo ya bona le go rata go hlwa ba le gona fao lefelong la boithabišo go bego go swiswatša pelo e le ruri. Ba be ba sa theeletše dikeletšo tša batswadi ba bona ba dira tša phaku.

Go tloga go laetša gabotse gore ge motho a rwele digwanapedi di phaphametše hlogong, eupša di kgabišitše hlogo fela ka lebaka la ge a sa di diriši go theeletša le go tšea dikeletšo bathong, o tle a re ka nako ye nngwe a swanelwe ke go kwa ka letlalo. Nnete bophelong bja batho ba nama le madi go tle go be bjalo ka mabaka a mangwe.