Di Loma Ka Mosela

Gakenataba e be e le hlogo ya sekolo se se phagamego sa Thutelabogolo motseng wa Marulaneng. Barutwana ba ile ba bonala ba tšwele taolong letšatšíng le lengwe e le Labohlano gona fao mabaleng a sekolo. Dihlopha tše pedi di be di elwa gomme sethunya sa lla. Fao gona go ile gwa thunya lerole ge barutwana le barutiši ba leka go boloka matlalo a bona. Maphodisa a ile a bitšwa cupša gwa hlokega mohlala le bopaki ka ge barutwana ba be ba sa hlaloše gore badiri ba ditabanaswana tšeo ke bomang.

Go itaola ga barutwana go be go dirwa gape ke gore maloko a Lekgotlataolo la sekolo a be a sa dire mošomo wa bona. Sekolong sa Thutelabogolo go be go ena le sehlophana sa barutwana bao ba ipitšago Dilomakamosela. Bao barutwana ba be ba dirišwa ke morutiši Tsebedikae dilodišele. Barutwana ba be ba mo rekišetša diokobatši gomme a phela bophelo bja manobonobo