Lerato La Lepheko

Tumelo mosetsana wa go tšwa kua Mogoši gaMatlala, o kopane le lesogana la go tšwa Mapulaneng ge ba le kua sekolong seo se phagamego sa Lekete mengwageng yela e fetilego mola e sa le barutwana. Semana le Tumelo ba eba baratani bao bokamoso bja bona bjo bego bjo tshepiša bontši bja batho.

Baratani ba ba tsene sekolo ba eba ba fihla gona kua Yunibesithing. Lerato la Semana le Tumelo le ile la itaetša le wetšwe ke ntšhi ye tala morago ga gore ba nyalane, ba age lapa la bona kua College View, tikologong ya Mapulaneng. Semana o ile a dudiša Tumelo ka lerago le tee ka go leka go laola le go bea mapheko bophelong bja gagwe, go fihla ge Tumelo a loga leano la go boela gagabo a ena le bana ba gagwe ba babedi.

Tumelo o ile a ithuta ka ba bangwe batho, a tseba gore go wa ke go tsoga gomme a tšwetša dithuto pele a ba a atlega. Le ge Semana a ile a leka tšohle go mo ema pele, ga se a atlega le gatee. Mafelelong go ile gwa bonala gabotse gore Semana ke moepalebitla yo a ikepetšego ka noši, ge e le kgati a ikgetše yona ya motswikitswiki.