Mankekedi A Bokgaka

MANKEKEDI A BOKGAKA, ke pukutheto yeo e hlophetšwego baithuti ba ba ithutago Leleme la Gae go latelwa lenaneo la bjale la thuto ya Bosetšhaba e lego CAPS mefatong ya ka godimo. Ka gare ga pukutheto ye mehutahuta ya direto go tšwa dileteng tša go fapana di a hwetšwa gomme seo se tla fa morutiši le moithuti tlhohlo ya go bona phapano ya direto tšeo ka kakaretšo. Theori ka ga thuto ya theto le yona e hlahlišitšwe pukuthetong ye. E pshineng ka yona

bešo.

Barutiši go bona go tla nyakega gore ba ele tihokomelo karolo ya pele ya puku ye, gomme ba e tsitsinkele ka leihlo la lenong gore ge ba ile go tsena diretong, thuto e tle e elele gabonolo. Dikaiolwana ka moka tše di bego di fetoga kgwara go barutwana, bjale di hlaramolotšwe gomme di bonolo go ithuta tšona.

Bangwadi le bahlopi ba pukutheto ye, ba na le kholofelo ye kgolo ya gore pukutheto ye e tla thuša barutwana go hlabolla tsebo ya bona ya polelo lehlakoreng la theto. Theori yeo e lego pukuthetong ye, ke lehlotlo le legolo go barutwana ba kreiti 10,11, le 12 go leleme la gae gore ba kwešiše seo theto e lego sona, ntle le go kamaka goba go swara bothata. Bangwadi ba holofela gore ka go latela dinyakwa tša lenaneothuto le lefsa, baithuti le barutiši ba tla thoma go tlwaela mararankodi ohle a go ithuta theto go bapetšwa le dingwalo tše dingwe.

Morulaganyi