Ke Sentšeng

Padi ye ‘Ke sentšeng’, tabakgolo ya yona ke lehloyo le re itemogelago lona lapeng la Lekhura ka dikgaetšedi tša gagwe e lego Letlhokwa le Mmakoma. Bomogadibo ba be ba tloga ba hloile ngwetši ya gabobona, mosadi wa Lekhura e lego Mmaphefo. Mmaphefo o be a nyetšwe ka ngwana wa mošemane gomme yena a bitšwa Tswaledi. Lekhura a re go ithobalela boroko bjona bja go iša motho bodutung bja modulanoši, lehloyo lela la napa la fetela le go Tswaledi. Tswaledi o be a bitšwa ka maina a go hlaba le go swiswatša le yona pelo ya mmalehufana ka sebele.