Le Rena Re Batho

Motho wa moriri wa hlogong vena. ruri re ka Se be phošo le gatee ge re ka re ke bodiba. Ga go na motho yo a ka rego o tseba motho ebile o a mo hlatha e le ka nnete, Go tloga go paletšwe bona batswadi bao ba rilego go belega ngwana, ba mmepula ba eba ba mo godiša go fihla ge a tla thoma go tseba yona ee, goba aowa. Ga go makatše ge Shila a rile go etela kua Gauteng a thoma go fetola mmala mahlong a batswadi ba gagwe mola e se vena leobu. Shila o ile a tsena leratong la go ratana ka bong le Refilwe mosetsana wa go tšwa kua Mamone gaSekwati.Se se ile sa tliša keakanego batswading ba gagwe gammogo le go batho ba naga va gabo ya Mohlaletse, Go bile bjalo fela le gona kua Mamone ge ditaba tša go ratana ga Refilwe le Shila di itia meropana va ditsebe tša bakwi.

Le ge go le bialo gona, batswadi ba Shila le ba Refilwe ba ile ba se lebale gore mmapelo yena o ja serati ge e le senyakelwa sona aowa. Shila le Refilwe ba ile ba nyalana gomme se sa nama sa fahlolla magagabo bona gore lefaseng’ le re phelago go lona, batho ba nama le madi ke ba mehuta. Go na le bao meragelo ya bona le dikgopolo tša bona di tlogago di gakantšha mahlo le kgopolo e le ruri. Le ge go le bjalo le bona ke batho!