Sejamosela Se Fetetsa Noka

Makoko mosadi wa motse wa Meetsemagolo o rile go tlelwa ke mogopolo wa gore go hlongwe lekgotlapolokano motseng wa gabo, a nama a kgoboketša basadi ba motse gore ba ipope. Lekgotlapolokano la Moruleng le ile la hlongwa gwa ba gwa ngwalwa molaotheo. Bošaedi bo ile bja nyaretša hlogo ge go namile gwa itaetša gore ditulo tša boetapele bja lekgotlapolokano di fanwa ka segwera le bjona boagišani. Gakeselo mofsa wa bogale le go tsaroga phoka, o ragile taba yeo ka maoto go tloga gona mola mathomong, a sa tshepe baetapele ba lekgotlapolokano kudu lehlakoreng la tšhelete.

Ke nnete ga go muši go se na mollo. Lesedi moswari wa tšhelete ya lekgotlapolokano a nama a bega lehu la yo mongwe wa bao a ba ngwadišitšego, eupša bohlatse bja setifikeiti sa lehu le pukwana ya mohu ya boitsebišo tša pala go nyaretšwa lekgotleng. Lesedi o rile go palelwa ke go humana tšhelete ya matshedišo a befelwa kudu, a ba a ya a llela kgorong ya mošate wa kgoši Nkarogele gore kgoro e mo namolele. Na molaotheo wa lekgotlapolokano o tla mo dumelela? Aretse!