Temošo Setšhabeng

Temošo Setšhabeng, ke puku ya dikanegelokopana tša go ngwalwa ka polelo ya Sesotho sa Leboa. Puku ye e tšwele maemong a bobedi diphadišanong tša Literary awards 2023/2024 yeo e okametšwego ke ba Limpopo Department of Sports, Arts and Culture.

Puku ye ga se mogodu wa kgomo ya motho le gatee. Monamahlo a ka ikhumanela maele a bophelo go yona a fahloga, gomme a ba a kgona go eletša batho ba bangwe. Diteng tša puku ye di phophoma lephilo la dithibelamathata le dišidullamenagano. Mahlo ke diala ga a je sa motho. Ipshineng ka yona magagešo, lena bana ba mmala wa sebilo. Tla re fetlekeng, re e phare ntaka gore re efoge dillo le ditsikitlano tša meno.